ҖИДЕГӘН ЧИШМӘ

Сара Садыйкова көе,
Гөмер Баширов сyзләре

Җидегән чишмәләрдә җиде улак, җиде улак,
Челтер-челтер ага көмеш су.
Көмеш сулар ага, кошлар сайрый,
Шул чакларда бигрәк, шул чакларда бигрәк ямансу.

Җидегән чишмәләргә йөзек салдым, йөзек салдым,
Җидегән йолдыз көреп калсын, дип.
Җанкай-җанаш алсын да куансын,
Вәгъдәләрем булып, вәгъдәләрем булып калсын, дип.

Җидегән чишмәләрнең талы бөгелә, талы бөгелә
Акрын искән җәйге җилләргә.
Сез каласыз инде, без китәбез,
Без китәбез ерак, без китәбез ерак илләргә.

CIDEGÄN ÇIŞMÄ

Sara Sadïjkova köe,
 Gömär Başirov süzläre

Cidegän çişmälärdä cide ulak, cide ulak,
Çelter-çelter aga kömeş su.
Kömeş sular aga, koşlar sajrïj,
Şul çaklarda bigräk, şul çaklarda bigräk jamansu.

Cidegän çişmälärgä jözek saldïm, jözek saldïm,
Cidegän joldïz körep kalsïn, dip.
Cankaj-canaş alsïn da kuansïn,
Väg’dälärem bulïp, väg’dälärem bulïp kalsïn, dip.

Cidegän çişmälärneñ talï bögelä, talï bögelä
Akrïn iskän cäjge cillärgä.
Sez kalasïz inde, bez kitäbez,
Bez kitäbez erak, bez kitäbez erak illärgä.